Etwas lang, aber vielleicht hilft's.
Eckhard Hensel
Die Mutter Müllern rennt har und hien,
Schunt drei Tage lang sitt man se eikeefa giehn.
Zum Bäcker, zum Fleescher, zum Krämer leefte
se.
Wurscht, Striezel.Schuckloade und Nüsse keefi
se,
Die keefi oo zwee Lichtla voo gelbem Wachse,
Denn die macht a Weihnachtspaket, ferr a Sühn,
ferr a Maxe.
Ihr Eenziger ies a, sust hoot se kenn.
Und nu labt se oo lange schunt ohne dan Enn.
Denn a zug ei die Fremde naus, weit goar weit,
Nerr zahn Joherrn schunt, - 's ies 'n lange Zeit.
Wenn a schreibt aus 'mfremda Lande rüber,
Doo studiert euch doas Weib/a acht Tage lang
drüber.
Jeda Sotz guckt se zahnmoll sich oan durch die
Brille,
Dernoo flennt se awing und dernoo is se stille.
Itz aber, weil Weihnachta nimme weit ies.
Und is Gartla draußa schunt ganz verschneit
ies,
Doo hoot se eim Stübla goar viel zu tun,
Doo macht se is Weihachtspaket ferr a Sühn.
Woas doo olls neikimmt, ma se/lds kaum denka. Zwoar koan se ju groase nischt
Kustboares schenka,
Denn wenn ma voo zwanzig Mark Rente zehrt, Doo reechts halt bluß, daß ma
sich groade er­nährt.
Doas meeste voo dam, woas Weibla schickt, Ies salber gehäkelt, genäht und
gestrickt.
Zwölf Trochtentichla, 'n wullne Jacke, 'n bunta Schau/, ganz nooch Maxes
Geschma­cks,
Viel Arbeit, ihr Leute, hoot doas gemacht, die hoot gesassa goar monche
Nacht, Ticktack ging derr Seeger, und bei dam Geticke Schlief se ob und zu ei
über ihrem Gestricke.
Aber jitz ies olls fertig, wie is se doofruh,
Flink tun se noch Appel und Nüsse derzu,
'n Dauerwurscht ferr die weite Reese,
Und Fichtazweigla recht hübsch eim Kreese,
'n Brief lät se nei, wie olls gieht und stiehl,
Die schickt oo a Bild voo sich salber miet,
Itz kumma die Lichtla noch uba hien,
und itz verpackt und verschnürt se's schien.
Woas truppt denn uff eemoll uff Schnure und
Boga?
Does Weibla, doas hoot ju ganz nosse Oga.
Itz nimmt se doas grüße Paket und rennt
Quar durchs Durf uff die Pust, wu se Jeder
kennt.
durch Finsternis rennt se im Schnieflo-
ckatreiba,
Und läßt vom Pustmeester sich die Adress
schreiba.
Spät obends sitzt se ei ihrem Stübla,
Nimmt ganz sacht Maxes Bild aus 'm Schübla,
Guckt sichs oan und hurcht wie derr Seeger
tickt,
Und denkt, wie se nächtelang hoot gestrickt.
Und zum Sühne, weit ei de Fremde giehn
Ihre stilla Gedanka und Wünsche hien.
In einer eMail vom 2007-12-17 20:04:11 Westeuropäische Normalzeit schreibt
udo_zemella@yahoo.de:
Hallo,
ich suche ein schlesisches Weihnachtsgedicht als Beilage zu
Weihnachtsgrüßen, evtl. auch in schlesischer Mundart.
Vielen Dank im voraus
Udo Zemella