`s wi�begierige Jungel
Na, hiert, wu sein de Juhre hien!
Heut mu� a schunt ei de Schule giehn.
`s neue M�tzel keck eim Nacken,
A Poar Stiefletten, do� se knacken,
A Schul-Turnister uff`m R�cken,
`n Schieferstift, `n guldnen dicken,
De H�nde beede frisch gewoschen,
A Pfund Schucklode ei aToschen:
Su stieht doas kleene Kerlchen do,
Goar fursch und stulz, as wie a Pfoo.
Ju, wie a Held benimmt a sich,
Und Furcht und Angst, die kennt nicht!
Zengr�m �ms Jungel stiehn eim Kreese
Der Voater, Mutter, Franz und Rese
Und gucken uff doas P�rschel nunder,
As w�rsch urn�r a Weltenwunder.
Fest sein se �berzeigt: Ihr Klenner,
Dar hot Schenie wie selden enner!
Woas koan dar blu� fer Frogen stellen!
Wuhrhoftig, wull ei hundert F�llen,
Do koan ma ihm kaum Antwurt gahn.
De Eldern hoans l�ngst eigesahn:
Dar lernbegierige Eisenfresser,
Dar werd zum mindesten Professer!
Zum Abschied itz der Voater spricht:
"Na gieh mit Goot, du klenner Wicht.
Mich freet`s do� de ni schissig tust
Und ei de Schule giehst mit Lust.
Nu wiel ich die flink no woas soan:
Kimmt �rnt amol woas Schweres droan
Beim Unterrichte ei derr Schule,
Und`s w�rde dir �rtn angst und schwule,
Do mach`s wie fr�her: Kumm zu mir,
Und ich stih Red`und Antwort dir!
Nu gieht a furt. Is Haus ihs laar.
Se sahn no lange hingerm har.
Und ungef�hr zwee Stunden druf,
Do gieht de Stubent�re uf
Und vuller Eifer pl�kt a rein:
"Wu mag ock blu� der Voater sein!
Ich mu� in bale �m woas froan!"
"Nee Junge!" f�ngt de Mutter oan,
"Kumm irscht zum Tische doch itz under
Und schnoll dir a Turnister runder!"
"Nee, Mutter, nee, ich hal`s nich aus,
Zu irscht mu� meine Froge raus!"
Na hiert! Su eene Wi�begier!
Dar Junge, dar zerrei�t sich schier!
Su�n Ausbund vu Geliehrsemkeet,
Dan findt ma wull ni weit und breet!
A sitter Durscht no Wissenschoft,
Dar ihs wuhrhoftig fabelhoft!
Der Voater strohlt ver lauter Freede
Und streechelt ihm de Wangen beede:
"Mei Liebling, kumm, ich mu� dich k�ssen!
Na, froo mich itz, woas willst de wissen?"
"Ach, Voater, konnst de mirsch ni soan,
Eb bier bale gru�e Ferien hoan?"
von Robert Sabel