Doos komische Vegalla !
Voter an Suhn fuhrn mit damm Uchsafuhrwerke uf`s
Feld naus. Nenn merr see, a Voter "Huttescheckla" an
a Suhn "Fritze". An Fritze durfte doos Uchsagesponne
kutschiern, an Huttescheckla soss hinga uff dam W�uhne.
Iber dann sichta Sandwag ging`s gor sihr leise drieberhie,
immer ufs Ackersticke zu . Uuf eemol meente Huttescheckla,
wos derr Voter wor:"Fritze haal amol o, huste doos seltsome
Vegalla gehott?" - "Nee Voter", - "Nu doo fohr ok wetter"!
- Pf�-�, -pf�-�, -pf�-�, "brrrrrr" sorte Huttescheckla, an derr
W�uhn stund. "Fritzla huste dann sichta Vogel nu gehott?
Dos missa ganz neue sein, a su een hob ich noch nee gehott?"
"Ich, an hier nischte nee, Voter?" "Na doo, hutte ihr Schecklann,"
an wetter ging die Fohrt. Pf�-�, -pf�-�, -pf�-�, -pf�-�, "brrrrrr,
Fritzla dotte worsch wieder, husta doosmol gehott?" "Nee Voter,
ich an hier reen gornischte nee, hutte ihr Uchsa!"
Ann korz verm Acker gings iber an Wiesawag, nuu ging die Fohrt
noch leiser doohie. Pf�-�t, -pf�-�t, -pf�-�t, -pf�t, doo ies iss wieder
Fritze". "Jo Voter, nuu hier ich`s oah, ober doos ies kee Vegalla.
Nee, nee Voter doos an sein wull de Reffa vum W�une, ich glebe
merr wann see wull amol schmeern missa!"
"Nee verpucht, wie maa sich teucha konn," mente:Huttescheckla.
Verfasser: Unbekannt.